ФАТЕНИ АКТЕР И МУЗИЧАР

Кили во Шутка, Дритон - Гаџа приведен

Глумецот Кирил Поп Христов - Кили, повеќе од една недела се наоѓа во Истражниот затвор Скопје во Шутка на издржување на тримесечна казна затвор за дрога, додека братот на Адријан Гаџа, Дритон Исљами, бил приведен оти немал платено казна за сообраќен прекршок

Глумецот Кирил Поп Христов - Кили, повеќе од една недела се наоѓа во Истражниот затвор Скопје во Шутка.

Поради неговото приведување деновиве беше заменета неговата улога во претставата Мара садд со друг актер.

Како што дознаваме Кили, неодамна бил повикан во полициска станица на информативен разговор. Откако самиот се пријавил, бил приведен и веднаш бил спроведен во затворот во Шутка.

Од таму добивме потврда на информацијата, со објаснување дека Кирил Поп Христов е на одлежување казна затвор во трање од три месеци за сторено кривично дело "неовластено производство и пуштање во промет наркотични дроги и психотропни супстанци".

Од неговата богата актерска кариера, Кирил Поп Христов играл во МНТ во околу дваесетина проекти од кои по познати се Злосторство и казнаа, Едмондд, Буре Барутт, а од тековниот репертотар игра во претставата Мара Садд. Зад себе Кили има и една улога во филм, и тоа го играше ликот Исус во филмот Тетовирањее.

Во текот на викендот при влез во Македонија бил уапсен и братот на популарниот македонски пеач Адријан Гаџа, Дритон Исљами.

Како што Вечер дознава Дритон бил баран од полицијата за издржување затворска казна во траење од четири месеци, поради направен прекршок за дела од сообраќајот.
"Дритон е дома", изјави вчера таткото на двајцата музичари, Емин Гаџа, потврдувајќи ја информацијата дека Дритон бил приведен.

"Син ми беше приведен завчера во полициска станица, но брзо го расчистивме случајот и сега е дома", рече Емин, додавајќи дека целата работа била недоразбирање. "Станува збор за дело од 2001 година, ама тоа е веќе минато".

Според нашите информации Дритон направил сообраќаен прекршок за кој заборавил да си ја плати паричната казна. Откако поминал рокот за плаќање полицијата ја активирала казната со тоа во зависност од висината на паричната казна таа се заменува за соодветни денови поминати во Шутка.