НА ТЕТОВСКО КАЛЕ

Ќе се најде стражарница на македонските кралеви?

Ископувањето на Тетовското кале, проект кој е финансиран од Министерството за култура со 650.000 евра, официјално започна за викендот. Во следните четири години археолози од Македонија, како и 13 археолози од соседството, седум од Албанија и шестмина од Косово, ќе истражуваат што крие Тетовското кале.

- Постојат индиции дека овде може да се очекува неолитски културен стратум, нешто како стражарница на македонските кралеви, евентуално на Персеј. Археолошките испитувања ќе го потврдат или одречат тоа, вели главниот консултант д-р Виктор Лилчиќ.

При работата приоритет ќе им се даде на археолошките ископувања и реставрација на постоечките објекти, а посебно ѕидовите кои се гледаат од Тетово. Тврдината е изградена во 1820-та година од Абдураман паша.