ПОНЕДЕЛНИЧКИ

Телевизија

СДСМ пак одржа конгрес. Зошто за четири месеци одржаа два конгреси? Бранко беше главен, и обожаван. Папа.

Конгресот е за тоа и одржан. За Бранко и неговите следбеници конечно да добијат аплауз. Да видат дека некој, сепак, ги сака.

Друга причина за конгресот не видов.
Знакот, логото на партијата, го сменија уште на минатиот конгрес, па така сега таа работа беше гледање на веќе видено. Претставија нова партиска химна. ОК, тоа е ново. И презентираа книгиче, на кое пишуваш е: Решенија, со упатство дека е тоа новата партиска програма која има решенија за се. Бранко има решение за се. За секого. За сите. За секаде... за секогаш!

Хм... засекогаш? Жените имаат проблем за секое решение.
Толку. Тоа и толку за, и на конгресот на СеДеСето.
Имав планирано, во Вечер, две страни за Конгресот кои останаа празни, па пуштаме интервју за бизнисите на Азманов на тој простор. Таман се најде.

Од сето таму мене најмногу ми остана во сеќавање изјавата на амнестираниот потпретседател на СДСМ, Зоран Заев, дека Бранко бил решение кое им треба и на Македонија. И дека програмата со наслов - СДСМ има решение, е лектира за сите. Еј, лектира! Тоа се оние книги што обврзувачки се читаат од прво до осмо. После обврската престанува, и веќе не се читаат.

Кога се станува полнолетен, без обврска да се читаат такви лектири, сите се држат по на страна од СеДеСето. Возрасен човек мисли со своја глава, а лектирите на Заев им ги остава на децата.

Јаден Заев. После него СДСМ стана како тоалет хартија. Ќе повлечеш еден, се тркалаат по него сите други.

Сега СеДеСето има решение за се, за сешто, за секого и секаде.
Нема паѓање на испит, или кец за писмена. На прашање ја вадиш лектирата од СеДеСето и препишуваш. Попросто, и полесно - амин.

Арно ама, очебијно тие немаат решение ни за себе, а камоли за нас.
Го прашува Бичикле Зоран Јовановски, нивниот потпретседател, а и член на бордот на Народна банка, дали е одговорен што Народна банка дозволила 30 милиони евра перење пари во македонските банки, за кои се води меѓународна истрага. И, наместо прозваниот, излегува партискиот портпарол и одговара: Господинот потпретседател на партија одговор ќе даде само во ТВ дуел на некоја од националните телевизии.

У моја кариера, ја поглуп одговор на прашање немам чуено!
Работа на висок државен службеник, каков што е функционер на Народна банка, и висок партиски функционер, е да дава одговори кога е прашан. Се до сега. Од сега, функционерите на СеДеСето ќе даваат одговори само во емисии на некоја национална телевизија.

Ако нема емисија, нема ни одговори.
Кој не ебе сите нас. На куп. Од прв до последен.
Очигледно, имаме проблем. Ни треба решение.

И, за решение, ја зимам книгата, програмата на СДСМ - имаме решение, и читам одговор за проблемот. Нивниот Совет за радиодифузија да донесе указ, а тие да се достават бранков декрет до нивните телевизии Алфа, А1, Телма, фифти-фифти Канал 5, Алсат... саат насабајле, саат време околу ручек, и саат пред спиење - функционерите на СеДеСето да добијат термини за давање одговори на нашите прашања. И да ни читаат од нивната лектира. Нивниот ЗНМ ќе одобри.

Одма после нив оди Велија Рамкоски, да дообјасни што тоа сакал да каже, дал Бранко, дал Зоран Заев или Зоран другиот... а особено да го дообјаснува третиот потпретседател, оној Малиот без коса, му го заборавив името.

Велија е елоквентен, чесен, умерен и вреден... што е општо познато. Тој е нивна милионска инвестиција, со државни и пари од Сорос. Нивни вечен должник.

А Велија секогаш има и решенија. Како и Бранко.
Бранко и Велија - земја дембелија!
Нема везе што на Сведмилк и млекарите баш Велија им должи најмногу - над пола милион евра... Он има решение: државата преку стечаен управник на него да му го даде Сведмилк - да го работи. Груевски не му го дава. Ако не за друго, затоа што не е негов. И, еве ти го Велија со рекет врз Владата. Удри!

Агенција за телекомуникации не му дала на Велија он, експертот, да биде газда на системот за пренос на дигитална телевизија. Се жали Велија до Уставен, и губи. Еве го деновиве со нов рекет врз Владата. Со дрва и камења. Он ќе ја спасувал дигиталната телевизија од сите нас. Море, носи се будало!

Гледаме нов Велија рекет од А1, Време, Шљшшпиц... за Владата.
И додека Владата трпи серија јавни рекет удари од Велија, некој во владата игра дупло. Неко меѓу нама није наш.

Живо сум заинтересиран да видам дали Велија, и неговото Време, имаат дозвола за издавање, и дистрибуција на игри на среќа, или популарни познатите - грепки.

Нема законски услов да се дозволи тоа на никој, освен на Државна лотарија која за тоа е неодамна и формирана. Или некој, сепак, за свој интерес дебело згазил врз законот, и му дал на Велија дозвола да продава грепки?! Да заработува, повторно, надвор од законот.

Велија, патем уште еднаш, е наравоучение и за СДСМ.
Не е спасот и решението во појавувањето на телевизија, како што СДСМ мисли. Еве, Велија не се симиња од неа, па пак е никој, и ништо.

Се бара памет. Работа и потење. Се бара духот на левицата.
Еве, јас како убеден социјалист, да им кажам како се дава левичарски одговор на кампањата против абортусот кој, нели е убиство.

Ако е абортусот убиство - дркањето е геноцид! И им се сјеба антиабортус кампањата.
Тоа би рекол левичар, да го има во СДСМ. Се гледаме на ТВ.


Пишува: Драган П. ЛАТАС