КАРЛО БОС, ПРВИОТ МАКЕДОНСКИ ПОРНО-СТАР:

Најдобар е сексот со Македонките!

Шест години откако е во Милано никој не го повикал со неговото вистинско име, па веројатно затоа ме пречека со насмевка од уво до уво, кога ме слушна како го прашувам Ти си, Гоце?" на нашата прва средба. - Овде никој не ме вика Гоце. Сите ме знаат како Карло. Карло Бос - ми објаснува триесетгодишниот Гоце Гиновски од Куманово. Пред мене стои насмеано пријателско лице сосема поразлично од сериозниот Карло со темни очила "Армани", кој ќе го најдете на неговата интернет страница www.carloboss.it, а кого познавачите на порно индустријата го знаат како еден од најжестоките глумци на сцената, додека неговите комшии веруваат дека е обичен водоинсталатер од Македонија. Очигледно му е мошне мило затоа што негов земјак го бара за интервју во Италија, па ја користи секоја можност да зборува со мене на македонски (колку што присуството на уште двајца Италијанци ни дозволува). Првичната напнатост исчезна брзо како пивото што го нарачавме и Карло, обраќајќи ми се со "брат", почна да ми објаснува дека не дошол во Италија со намера да стане порно глумец. Признава дека отсекогаш сакал порно филмови и дека идејата му поминала низ глава, но кога дошол во Милано во 2002 година, најпрвин работел разни скромни работи меѓу кои и како водоинсталатер. Предводен од својот интерес кон порното, почнал да се движи по разни ноќни клубови со "црвени светла" и оставал огласи за жиголо.

"Се обидов како жиголо и имав неколку клиентки, но набрзо сфатив дека таа работа не ме исполнува. Барав нешто друго. Во меѓувреме, запознав многу влијателна личност од аматерската порно индустрија која ми понуди пробни снимања и решив да пробам", ги опишува Карло своите први чекори. Вели дека првите снимања поминале лошо оти не можел "да направи ништо пред камера". Почнал добро да "работи" после еден месец аматерски снимања и оттогаш работи со полна пареа:

"На почетокот нема одбивање работа. Правиш се што се бара од тебе. Не снимам единствено хомосексуални и транс филмови. Се друго. Сум снимал сцени и со стари тетки над шеесет години и со млади убави девојки. Имам 30 години, а досега сум снимил над 100 филма. Никој досега не направил такво нешто на Балканот или во Италија. Порано се случуваше да снимам шест дена во неделата, по 10 часа на ден. Имав страшни болки во целото тело, но не смеев да одбијам работа бидејќи во порно индустријата е многу тешко да се пробиеш, а уште потешко ако си странец", вели Карло, кој додава дека допрва влегува во "златните години" (меѓу 30 и 40) за порно глумец.

На интервјуто присуствува и неговиот камерман кој му помогнал да стане професионалец, и кој вели дека на почетокот било тешко да се работи со него.

"Бев многу агресивен со партнерките на почетокот. Десетина порно глумици одбиваа да работат со мене. Мојот камерман ме научи каде грешам и како треба да правам. Сите финти на занаетот ги научив дури откако снимав 100 филма. И понатаму сум познат како жесток глумец способен да тера два часа како брз воз, но сега девојките немаат проблем да снимаат со мене, напротив, самоуверено и професионално говори Карло. Од "технички аспект", Карло не јаде и не пие многу пред снимање. Омилена позиција при секс му е одзади и преферира да нема други машки на сцената. Во просек снима две сцени на ден за кои се потребни 10 до 12 часа работа. Соработува со сите постоечки десет продуцентски куќи во Италија, а некои од неговите филмови можат да се најдат и кај нас. На почетокот како аматер заработувал малку, додека сега како професионалец вели дека заработува добро, иако додава дека не можеш да станеш богат од оваа работа".

Филмовите ги снима без кондоми, но секој месец прави задолжителни тестови за сите венерични болести. Според него, да се биде порно актер е работа како и која било друга, дури можеби и потешка бидејќи многу зависи од "главата".

"Порно актер не смее никако да доживее оргазам се до крајот на снимањето. Ако згрешиш повеќе од два пати нема повеќе да те викаат на снимање. Не смееш да се занесеш и мора да бидеш целосно концентриран, во секој момент да внимаваш на партнерката, на камерата и на движењата. Не е лесно, потребни се 5-6 часа за снимање само на една професионална "сцена". Порно глумците користат вијагра, но тоа е само мала помош за да немаш "падови" во текот на овие 5-6 часови. Ништо не помага ако не ти работи мозокот и ако не си ја сакаш "работата", објаснува Карло.

Дека во неговиот случај станува збор за вистинска љубов кон порнографијата, говорат и жртвите што ги има направено за неа. Веќе 6 години не се вратил во Македонија. Во приватниот живот има тешкотии да воспостави емотивна врска со девојки:
"Имав неколку девојки овде во Милано. Некои од нив знаеа што работам, а некои не. Вистински се заљубив и останав подолго време само со една Русинка, но сепак и таа не можеше да ја поднесе мојата професија и на крајот ми рече да бирам помеѓу неа и работата. Како што можеш да видиш - се уште работам", вели.

Карло тврди дека убавите жени се уште го привлекуваат, меѓутоа се навикнал на секс, па не реагира како повеќето машки. Бил во кревет со жени од буквално сите земји во Европа, цел Балкан, а само еднаш платил за секс со Кинеска, која му фалела во "колекцијата". Карло нема омилена боја на кожа на партнерките, но затоа без размислување тврди дека Македонките се најдобри:
"Мене ми се најдобри Македонките бидејќи се поубави од Италијанките (кои што многу зборуваат), поемотивни се и фамилијарни", додава Карло.

Како комичен дел од неговата работа го издвојува периодот од 2006 година, кога еден негов филм со стари тетки станал хит, па потоа морал да снима уште десет филма со стари тетки еден по друг. Сега разбира, не му се допаднало, но затоа денеска тој ги бира партнерките, и смеејќи се вели дека порното како и секоја работа има "добри и лоши страни". Пред да се разделиме, симпатичниот Гоце ми признава дека му фали Македонија и дека би се вратил дома доколку има добри понуди за работа. На младите претенденти за порно глумци им порачува да бидат издржливи и, пред се, никогаш да не се откажуват.

Целото интервју може да го прочитате и на www.myspace.com/pisma

Стефан Талевски