сабота, 15 декември 2012  ::  Бр. 15165
Маркетинг Контакт Импресум Претплата Пријатели Архива
Излегува секој ден освен недела. Првиот број излезе на 11.11.1963 год.
Изјава на денот
Четврти Њутнов закон: Tелото притиснато до ѕид не пружа отпор
статус на Твитер
НАСЛОВНА Вести Економија Скопска Балкан и Свет Култура Спорт Забавна Од почеток Видео


ИНТЕРВЈУ: РИСТО НИКОВСКИ, АМБАСАДОР И ПОЛИТИЧКИ АНАЛИТИЧАР


Македонија без ЕУ може да преживее 100 години, а дали ЕУ ќе доживее 100 години е многу тешко да се каже


Во интервјуто за Вечер Никовски, меѓу другото, вели дека основата на целиот галиматијас не е името на државата. Името е само покритие кое ќе овозможи да се прекрстат народот, јазикот, културата, историјата...


Отворениот заклучок од Советот на ЕУ остава простор за различно толкување. Какво е вашето мислење, можеме ли да очекуваме некој позитивен сигнал?
- Првиот впечаток ми беше дека Европскиот совет можеби ќе направи уште некој потег за да го обликува заклучокот, меѓутоа читајќи го втор и трети пат, сфатив дека тоа е финалниот став на ЕУ. Тоа се потврди и со изјавата на Филе и со другите реакции од Брисел. Во суштина, она што го заклучија е негативно, неприфатливо. Се потврди дека Европа игра двојна улога, има двојни стандарди, дека не сака да се соочи со реалноста. Тоа ја манифестира неефикасноста на ЕУ, нејзината зачауреност, нејзината блокада со која се соочува од внатре и која е на нејзина штета. Ние сме само колатерална жртва. Тоа демонстрира дека Унијата нема капацитет да се соочи со посериозни проблеми, особено од надворешната и безбедносната политика, за што Брисел нема, ниту некогаш ќе има единствен став на сите членки. Тоа ќе биде нивни голем хендикеп во годините кои доаѓаат. Токму затоа Америка има и секогаш ќе има силно влијание и во Европа, и на Балканот, бидејќи нејзините надворешно-политички проекции се прецизни и јасни. Своите регионални интереси на Балканот САД ги реализира на еден суптилен и бескомпромисен начин.

Дали со новиот заклучок името стана предуслов за влез во ЕУ?
- Името де факто е услов за влез во Унијата уште веднаш по Букурешт 2008 година.

Тоа значи дека не треба ништо ново да очекуваме од новиот извештај за неколку месеци?
- Објективно, треба да се очекува новиот извештај да биде сведен точно на тоа дека треба да се реши името. А тоа не може да се случи. Дури и да се случи. Да одлучиме да ја прифатиме и максималистичката грчка позиција - ерга омнесс, нема да доведе до решение, бидејќи Атина ни тоа нема да го прифати. Во дадената ситуација кога е во прашање кога и колкава ќе биде следната експлозија од незадоволство во Грција, некој да прифати решение какво било за Македонија, нема шанса да помине. Дури и да се прекрстиме и да додадеме каква било одредница, Златна зора нема да го прифати тоа, а таа знаеме дека сега е една од повлијателните политички партии во Грција и нема никакви скрупули.

Дали тоа значи дека Македонците не треба да размислуваат за промена на името?
- Нам треба да ни биде јасно и не смее да има никакви дилеми, дека основата на целиот овој галиматијас не е името на државата. Името е само покритие кое ќе овозможи да се прекрстат народот, јазикот, културата, историјата... Со други зборови, Грција да ја земе целата македонштина. Не заборавајте, во моментот кога оваа држава ќе се прекрсти, макар само за во странство, што е една голема измама, во истиот момент брендот Македонија ќе може да го користи само Грција. Од измислени 2,5 милиони Македонции, се до виното или ајварите. А тогаш, Македонија нема да има основ или право да нарче нешто македонско.

Кој вистински, стои зад таквата политика?
- Најлошо за нас е што зад сето тоа стои САД. Иако кај нас мнозина зборуваат дека Америка ни е партнер, сојузник итн., клучот за решавање на овој проблем не е во Атина, туку е во Вашингтон. Од почеток до денес. Има коинциденција на интересите, што апсолутно и одговара на Атина, а сега и на Софија, за затворањето на македонското прашање". Тоа е суштината на целиот проблем. Американците во регионот градат стратегиско партнерство со Албанците. Не со Албанија, туку со Албанците, каде и да живеат тие. И таа политика донесе сериозни геостратегиски пореметувања и промени во регионот. Всушност, тие поддржаа создавање на нова албанска држава Косово, којашто е направена со користење на сила. Американците немаат доверба во Славјаните, немаат доверба во Грција. Им се појавија Албанците како фактор со кој може да ги реализираат своите интереси и тоа го прават на еден груб начин, веднаш по распадот на Југославија. Тоа партнерство е долгорочно, ќе зајакнува и се повеќе ќе доаѓа до израз.

Тоа значи дека идејата за голема Албанија којашто неодамна ја промовираше Бериша ќе се случи за некоја година и тоа со амин на САД?
- Не ќе се случи, тоа веќе се случува. Со создавањето на втора независна албанска држава во регионот тоа е веќе околу 70 отсто реализирано. Тоа што Бериша го кажа во Валона не беше воопшто случајно. Ние, пак, го имавме Слупчане, кога американскиот амбасадор и нашиот министер за одбрана, Бесими, го користеа истиот речник. Тоа беше една сериозна провокација, игнорирање на процедурите на системот на функционирање на одбраната. Веднаш по Слупчане се случи почетокот на учебната година и интонирањето на албанска химна во повеќе училишта и на Универзитетот во Тетово. Ако Слупчане го промовираа како начин на помирување, зошто немаше реакции од американската амбасада за таа провокација. Тоа покажува и докажува дека се работи за "албански територии", а овој израз со децении е постојано дел од вокабуларот на врвни албански интелектуалци и политичари, не само во Тирана. Овој израз го користат и сите албански медиуми, кога известуваат за места каде што живеат Албанци. Тоа е чист, класичен иредентизам.

Кога станува збор за надворешната политика на Македонија, се чини дека имаме голем број поддржувачи, но немаме класичен лобист-патрон. Зошто е тоа така?
- Таков е распоредот на силите на меѓународната политичка сцена, што е наш голем хендикеп. Уште кога почна овој проблем, јас го нареков процес за разнебитување на Македонија. По распадот на Југославија имавме ситуација во којашто Руската Федерација, која би била наш можен сојузник, беше во страшна криза и немаше никаква улога на меѓународната сцена. Кина е далечна и незаинтересирана, а сите други важни меѓународни субјекти се предводени од САД и тука веќе американската доминација не е спорна туку е апсолутна. И не заборавајте дека тоа што се случуваше на Самитот на НАТО, во Букурешт во 2008, беше резултат токму на таа американска доминација без никаква конкуренција.
Америка е одреден гарант за безбедноста на Европа и зборот на Вашингтон се слуша, има своја тежина и во конкретниот случај не е на наша страна. Преовладува политика која не води сметка за основните интереси на Македонија и македонскиот народ.

Како што стојат работите сега, со цврсто зацртан грчки став од една страна и одлучноста да се зачува идентитетот од наша страна, има ли надеж во догледно време да се реши спорот и Македонија конечно да се приклучи кон Унијата и НАТО? Треба ли да бараме некои други форми на сојузништво?
- За жал, опции нема. Руската Федерација, која во меѓувреме закрепна, има се посериозна меѓународна улога, меѓутоа нема политички интереси на Балканот. Русија моментално оди со една економска, енергетска експанзија и на тој начин ја валоризира својата меѓународна позиција. Не со политика, не преку сила и воени средства туку со економија. Тоа се рефлектира и во нејзиниот однос кон Србија, со која традиционално има добри односи. Другите меѓународни фактори, како БРИКС на пример, составен од Русија, Индија, Кина, Бразил и Јужна Африка, иако навестува поширок меѓународен ангажман, се уште нема услови за такви чекори.

Ќе преживее ли Македонија без ЕУ?
- Апсолутно. Македонија без ЕУ може да преживее 100 години, а дали ЕУ ќе доживее 100 години е многу тешко да се каже. Нам нема да ни биде лесно, но таква е ситуацијата. Всушност, да не заборавиме на фактот дека колку што е интересот на Македонија да влезе во ЕУ и НАТО уште е поголем нивниот интерес Македонија да биде дел од нив. Меѓутоа, нивната неефикасност, интересите на единствената глобална сила во регионот и други парцијални, тесни интереси (Грција, Бугарија...) не дозволуваат нормален развој ниту на Македонија ниту на регионот. Регионот не е се уште во финалната фаза на преструктуирање, по распадот на Југославија, и се уште може да се очекуваат изненадувања. Тој период мора да се преживее. Кога - тогаш, да се надеваме и да работиме тоа што поскоро да се случи, ама и Брисел и Вашингтон ќе мора да сфатат дека оваа Македонија, во денешните граници и таква каква што е, е најдобро решение за сите во регионот. Дека сите обиди за разнебитување на Македонија и правење на некоја голема Албанија се утопии кои нема да придонесат за мир и стабилност во регионот, туку ќе донесат нови војни, нови крвопролевања, а нив никој не ги сака.

Имам впечаток дека вистинската кочница се наоѓа кај нас?
Кочницата не е кај нас, ама силно не хендикепира поделеноста во државата. Разликата која постои меѓу власта и опозицијата, во македонскиот блок, е толку длабока, што се освен тесниот партиски и личен интерес ништо друго не доаѓа до израз. Знаете, се додека е некој подготвен да го витка 'рбетот, сите играат на негова карта. Тоа е нормално, тактички, стратегиски, политички. Нам треба да ни биде јасно дека не можеме за надвор да бидеме едно, а за дома друго. Има една приказна која го објаснува тоа. Вели: ако се намачкаш целиот со разни бои, ти остануваш истиот за себе, но за другите си кловн. И покрај тоа што за себе остануваш истиот, бистар, мудар, паметен, другите те гледаат како кловн.

ОДНОСОТ НА ГРЦИЈА ПРОТИВ НАС Е ПОБЛАГ ОТКОЛКУ ПОЛИТИКАТА НА БУГАРИЈА
Од каде излезе Бугарија одеднаш, ги испровоциравме ли со Трето полувреме?

- Филмот може да биде само конкретен повод, колку да помогне да се покаже правото лице. Инаку, ваков став на Бугарија се гради со децении и беше очекуван. Всушност, односот на Грција против нас е во основата поблаг отколку политиката на Бугарија. За Грците ние не сме прифатливи како Македонци, тие го бараат брендот Македонија и монополот врз античките Македонци и заради тоа сакаат да не прекрстат. Не негираат дека сме одвоен етникум, со посебен јазик... Само да не се нарекуваме - македонски. Ако се прекрстиме, тие веднаш најшироко ќе не поддржат. Бугарите, од друга страна, пак, велат вие не сте Македонци, вие сте Бугари, вашиот јазик е бугарски дијалект... Негираат се што имаме и не посвојуваат.

Елизабета АРСОСКА
фото; Н. БАТЕВ





Статијата е прочитана 19657 пати. #

Зошто мојот коментар не излегува на Web страницатa?

Оставете коментар за објавената вест
Сите полиња се задолжителни!

Од кого:


Коментар: 


*Ве молиме впишете ја шифрата и притиснете испрати
ASP CAPTCHA Generator 

    




Zlatko, 15.12.2012 00:53:10
Vesta za nedodeluvanje na datum ne treba nikogo da iznenadi,Francija,Germanija i Anglija kako silni ekonomii ne se zainteresirani za prosiruvanje i otuka apstinencijata vo debatata za MKD e ocigledna,a od druga strana Grckata nepopustlivost im e dobredojdena za da ne recat direktno deka se protiv MKD integracijata(kako ilustracija izjavite na Germanski oficijalni licnosti deka Hrvatska se uste ne e podgotvena za EU ova samo za sebe govori mnogu)Grcija pak ova mnogu dobro go znae i go koristi maximalno za da odolgovlekuva so MKD integraciite za da se spasi od obvinenija za nedemokratska zemja,krsenje na covekovi prava itn.i plus da izbegne da gi resava pravata na imotite na Makedoncite proterani po 1948god.(otsteta ili kompenzacii) da ne gi priznae pravata na malcinstvata vklucitelno i na Makedoncite i da ne go izgubi "imidgjot"na ednonacionalna zemja toa e glavniot problem.
15.12.2012 00:53 | (27) | Like
dedo stefan, 15.12.2012 00:52:35
Potpolno se slozuvam so Nikovski, eden od retkite sto gi kazuva vistiski nastanite bez rakavici. Jas bi dodal nitu ke se vidi golema albanija, nitu golema bugarija, kamoli golema srbija nitu grcite ke go falsifikuvaat brendot MAKEDONIJA. Ova pred se zatoa sto bugari ne postojat tuku nekoi neznam sto se koj go koristat pismoto i jazikot na madedoncite a tie se najverojatno nekoj dijelekt na makedonskiot jazik, za srbite jasnoe neka ne se igraat, za ovie od zapad ne ka ne se lazat da ne se izgorat a za grcite ke zavrsat dole na karpite so cavkite. Da rezimiram sto i da napravat kako i da se ispazarat moze samo da im se sluci Bejrut. Ova normalno ne go posakuvam ama sekogas ke ima nekoi gemidjii i komiti na koi ke im dojde nekoj preku glava pa ke bide olele kolku da se znae. Onaka popatno pa neli nepromenlivosta na granicite e osnoven postulat na moderna evropa , ama kako kosovo bidna , aj da ne se lazeme. pozdrav
15.12.2012 00:52 | (29) | Like
MAK ПАТРИОТ - АМСТЕРДАМ, 15.12.2012 00:35:32
Се разбира дека МАКЕДОНИЈА се наогја во една деликатна состојба.Но за срекја ГОСПОД беше и ке биде со нас ! Америка ке се уништи самата себе си,таа е банкротирана држава со борџ од 13000 милјарди долари !! Таа е втора Грција ! А ..... ЕУ никогаш не ке се опорави и е во распагјанје ! И запомнете ! Никој во МАКЕДОНИЈА не смее повекје да помислува за некаква промена на нашето име !! Немој да заборавете дека Милјон МАКЕДОНЦИ во Европа сме спремни во секој момент ако треба со сите средства да ја зачуваме нашата вечна МАКЕДОНИЈА ! А и не се плашиме од никого !!! МАКЕДОНИЈА И МАКЕДОНЦИТЕ СЕ ВЕЧНИ !!
15.12.2012 00:35 | (43) | Like
tom bomb, 15.12.2012 00:30:00
So vekovi probuvale da ne asimiliraat,unistat ,progonat itn.NE IM USPEALO.Zosto pa sega bi im uspealo ?. Bidete mirni i hrabri , sme pominale i mnogu polosi raboti od ova.Da se pobara priznavanje pod ustavnoto ime vo ON itno.
15.12.2012 00:30 | (31) | Like
Major Langer, 15.12.2012 00:26:03
Citajki ve megju redovi g-ne Nikovski kazuvate deka site imaat nekogo,samo nie ne, za zal.Ve razbiram i znaeme deka e taka.
15.12.2012 00:26 | (28) | Like
smile, 15.12.2012 00:21:31
tatarite zboruvaat makedonski dijalekt da nivniot jazik bil bugarski bi imal slicnost so turdkiot finskiot i ungarskiot.....
15.12.2012 00:21 | (23) | Like
Struzanec, 15.12.2012 00:21:31
Najdobar diplomat,patriot,analiticar i poznavac na nadvoresnata politika vo Makedonija.Steta sto nemame uste barem desetmina politicari kako nego-precizni,nepopustlivi i hrabri.Risto so tebe sme ti ni davas svetlo na krajot na tunelot
15.12.2012 00:21 | (34) | Like
narodno dvizenje za makedonija, 15.12.2012 00:17:40
Pocituvaniot Nikovski e potpolno vo pravo i NDM go deli negovoto mislenje. Pretposlednoto prasanje i odgovor se sustinata na resenieto na problemot. Problemot e doma. Needinstvoto vo makedonskior politicki korpus e strasnoto. Da e tuka edinstvo odnadvor podrugo bi ne gledale. Za zal, toa needinstvo e bit na problemot i Nikovski dobro go locira. Nie vo NDM sme sokirani od zelbata za vlast po sekoja cena na sekoja opozicija. Denesnava opozicija e najraznebituvackiot element vo RM pokraj radikalizmot na politickite pretstavnici na Albancite vo Mk (ne gradjanite tuku nivnite radikalni politicki lideri), koj moze da se narece i peta kolona. Nazalost tuka se problemite, a ne samo vo bludnicata vavilonska.
15.12.2012 00:17 | (26) | Like
Makedonec, 15.12.2012 00:12:34
Американците во регионот градат стратегиско партнерство со Албанците. Не со Албанија, туку со Албанците, каде и да живеат тие. И таа политика донесе сериозни геостратегиски пореметувања и промени во регионот. Makedonija kako Oaza na Mirot i so Ekvidistancata ja izgubi dadenata moznost da bide na mestoto na Albancite vo politikata na SAD. Za toa e kriv samo KG i Udbaskite strukturi vo Makedonija koi bea vo vrvot na SDSM. Samo kako indikatlor... Uste pred raspadot Amerikancite go baraa Krivolak, a koj i zosto ne i go dade? Denes tamu nema nisto osven gusteri i suva treva, i po nekoja plantaza so opium... Tuka e problemot kaj nas i ne treba da se bara nadvor kaj EU ili SAD. Togas na mak rakov im bese vazno sto so ostavstinata narecena privatizacija, a ne so clenstvoto vo EU, mnogu im bese povazno sto Srbija ke kaze otkolku koser Amrite, pa neli tamu tie ziveeja vo beda i neukost, nie bevme centarot na svetot... Vakvata politika ne zapre tuka, i denes ima takvi koi i ova sto go imame so
15.12.2012 00:12 | (27) | Like
jovan, 14.12.2012 23:59:24
Americancite ne gradat strategija so Albancite. Americancite znaat deka Albancite ne se nikakov faktor na Balkanov, a nitu pa mozat da bidat. Vo odnos na site preostanati narodi okolu niv, tie se daleku daleku najzaostanati vo sekoj pogled. Interesot na Americancite e preku Albancite da ja donesat ovde Turcija i nisto drugo. Turcija ima sila i e sposobna da kontrolira. Albancite se gola voda, i ako na Americancite ne im uspee planot so Turcite(poradi Rusite), togas Albancite ke zavrsat pusteni niz voda, pa ke baraat nov sojuznik. Bugarija ili Srbija. Vo meguvreme ke ja redefiniraat(prevospituvaat) Srbija, pa mozno e povtorno sojuznik na Balkanov da im stani Srbija. Zatoa e i ova status kvo koe ke potrae uste barem 5-10 godini. Osven ako vo meguvreme uspat Turcija da ja*nagradat* i vratat ovde, sto stanuva se pomalku verojatno.
14.12.2012 23:59 | (24) | Like
time strumica, 14.12.2012 23:43:46
Samo sploteni i obedineti drug spas nema za MAKEDONIJA.
14.12.2012 23:43 | (29) | Like
Бог - најголемиот пријател на Македонија (после САД - разбира се), 14.12.2012 23:40:42
Нема што да се додаде или одземе во зборовите на Амбасадорот Никовски. Особено за улогата на САД на Балканот. Но, крајот се наѕира...а тој не е нашиот...фала му на Бога!
14.12.2012 23:40 | (21) | Like
od citatel na vecerUSA Ilija, 14.12.2012 23:39:25
Sekoja cest gospodine ambasadore ,zarem ne e ove cisto kako solza i zosto nasite politicari si zapnale za vo evropska smrdliva i nacisticka unija ? Vremeto i parite sto se trosat za site gluposti i noncense raboti da go posvetat na ekonomskiot rast na drzavata i posle zdrava i ekonomska drzava sto ni treba unija ,zar ne gi gledame primerite od bankrotot na grcija i haosot so slovenuja spanija i taka nataka//?
14.12.2012 23:39 | (26) | Like
Antibiotik, 14.12.2012 23:30:30
Ne sme interesni nie za Amerika-toa e problemot.
14.12.2012 23:30 | (21) | Like
nevreme, 14.12.2012 23:13:52
Potpolno se slozuvam so Nikovski. Sekoja cest!!!!!!
14.12.2012 23:13 | (62) | Like
Ivan, 14.12.2012 23:09:30
Istorijata se povtoruva 1913-2013 za zal po nas makedoncite,no ako i nie toneme da gi povleceme bugarite i grcite uste podlaboko od nas,da ne ja povtorime greskata na pradedovcite!
14.12.2012 23:09 | (49) | Like
 

 

 

НАЈНОВИ ВЕСТИ

 
 

Снег на Водно
Блесок 10
Марфи
Мажот дома вреди повеќе од двајца на улица.