понеделник, 23 февруари 2009  ::  Бр. 14034
Маркетинг Контакт Импресум Претплата Пријатели Архива
Излегува секој ден освен недела. Првиот број излезе на 11.11.1963 год.
 
НАСЛОВНА Вести Економија Скопска Балкан Црна хроника Култура Life Style Спорт Stars Свет Од почеток Видео
Вести


ПОВЕЌЕ ЈАВНИ ЛИЧНОСТИ НАДВОР ОД ПОЛИТИКАТА ЌЕ СЕ НАЈДАТ НА КАНДИДАТСКИТЕ ЛИСТИ НА ЛОКАЛНИТЕ ИЗБОРИ


Врбица Стефанов: Кавадарци ме задолжи и сакам да направам нешто за градот


Освен кошаркарската ѕвезда, на советничка листа на најголемата владејачка партија за Скопје ќе се најде и пејачката Есма Реџепова-Теодосиевска. Оваа партија на локалните избори ќе кандидира и луѓе од бизнис-заедницата. Сопственикот на маркетите "Тинекс" Владимир Тодоровиќ е кандидат за градоначалник на Центар. Социјалдемократите, пак, на овие избори за градоначалник на Центар да го кандидираат адвокатот Мирослав Вујиќ. На нивните кандидатски листи е и поранешниот новинар Ратомир Цениќ


Бизнисмени, спортисти, пејачи, адвокати, новинари ќе бидат дел од кандидатските листи за советници во неколку општини на претстојните, локални избори, на 22 март. Владејачката ВМРО-ДПМНЕ, нејзиниот коалициски партнер ТМРО и опозициската СДСМ се партиите кои со личности успешни надвор од политиката ќе се обидат да освојат поголем број гласови. Велат дека чувствуваат дека можат да придонесат за побрз развој на општините и затоа се активирале на политичката сцена, а не поради профит и афирмација.

Кошаркарскиот ас и капитен на машката кошаркарска репрезентација Врбица Стефанов ќе биде трет на листата на кандидати за советници на ВМРО-ДПМНЕ во Кавадарци. Вели дека по завршетокот на кошаркарската кариера ќе има повеќе време за активно да се вклучи во политиката.
- Јас сум роден во Кавадарци. Ја завршувам кариерата, а овој град има направено многу за мене и ме задолжил. Затоа ја прифатив понудата и ќе ми биде драго да направам нешто за градот, вели Стефанов.

Освен кошаркарската ѕвезда, на советничка листа на најголемата владејачка партија за Скопје ќе се најде и пејачката Есма Реџепова-Теодосиевска. Ова нема да и биде прво политичко искуство на "кралицата на ромската музика". Таа пред неколку години беше советник, избрана како член на Демократска алтернатива на Васил Тупурковски. Откако оваа партија згасна, премина во ВМРО-ДПМНЕ.

Оваа партија на локалните избори ќе кандидира и луѓе од бизнис-заедницата. Сопственикот на маркетите "Тинекс", Владимир Тодоровиќ е кандидат за градоначалник на Центар. СДСМ смета дека е неприфатливо кандидатот за градоначалник на Центар да живее во Кисела Вода. ВМРО-ДПМНЕ возврати дека кандидатите за градоначалници од редовите на опозицијата се анонимуси.
Социјалдемократите, пак, на овие избори за градоначалник на Центар да го кандидираат адвокатот Мирослав Вујиќ. На нивните кандидатски листи е и поранешниот новинар Ратомир Цениќ.

ТМРО пак го кандидира Симон Гаџида Поликарп, попознат како Џими од К-15. Четириесет и шест годишниот Нигериец Поликарп веќе 23 години живее во Штип и е оженет со Македонка. Осуден беше на затворска казна од три месеци за сообраќајна несреќа без жртви. Побара помилување од претседателот Бранко Црвенковски, кој го одби барањето. Врховниот суд му ја преиначи пресудата во условна казна, откако помина 20 дена во затвор. Тој вели дека може многу да направи за Штип и за Македонија.
- Еден американски претседател рекол "немој да се прашуваш што може државата да направи за тебе, туку што можеш ти да направиш за државата". Тоа е мојот мотив за да се вклучам во политиката. Државата треба да оди напред, вели Гаџида Поликарп.

Градимир МАРКОВСКИ





Статијата е прочитана 3364 пати. #

Зошто мојот коментар не излегува на Web страницатa?

Оставете коментар за објавената вест
Сите полиња се задолжителни!

Од кого:


Коментар: 


*Ве молиме впишете ја шифрата и притиснете испрати
ASP CAPTCHA Generator 

    




петра, кавадарци, 22.02.2009 23:54:54
Врбица направи многу и до сега за кавадарци, но немаше кој да подели за него пофални зборови, бидејки офајдените си ќутат. Ја имаш подршката Врбе, само напред, кавадарчани се со тебе
22.02.2009 23:54 | (152) | Like
siki, 22.02.2009 23:14:44
podrska za Jimy
22.02.2009 23:14 | (113) | Like
 

 

 

НАЈНОВИ ВЕСТИ
Насловна
 
Гола вистина
 

Снег на Водно
Блесок 10
 
Марфи
Оној што плаќа најмалку, најмногу приговара.